– Ein del av Hardanger og Voss museum
– A part of Hardanger and Voss museum
Maritimt i Norheimsund
Folkemusikk og -dans
Bygdemuseum i Øystese
Kunst, konsert og kafé i Øystese
Tett på historia i Sørfjorden
Bygdemuseum i Vikøy
Bunad, byggeskikk og hardingfele på Utne
Bygdetun på Lofthus
Ulike samlingar og bygg frå 1700-talet
Folkekunst og eventyrlege tun på Voss
hardangerogvossmuseum.no
Living maritime museum in Norheimsund
Folk music and folk dance
Folk museum in Øystese
Art, events and café in Øystese
Unique farm cluster at Aga
Old vicarage in Vikøy
National treasures at Utne
A glimpse of history at Lofthus
A voyage of discovery in Granvin
Folk art and authentic farm cluster at Voss
hardangerogvossmuseum.no
desember 2023
Arrangementstype:
Alle
Alle
Aktivitet
Arrangement
For familien
Konsert
Kurs
Undervisning
Utstilling
Arrangør:
Alle
Alle
Agatunet
Borgstova
Granvin bygdetun
Hardanger fartøyvernsenter
Hardanger folkemuseum
Hardingfela.no
Hardingfela.no
Kabuso
Skredhaugen
Storeteigen
Voss folkemuseum
lau07okt(okt 7)00:00lau30des(des 30)00:00Handboren og veggfastUtstilling
Årets siste utstilling i Kabuso har fått tittelen Handboren og veggfast og har teikning som tema. Verk av Imi Maufe, Per Dybvig, Susanna Kajermo, Xueting Yang, Tord Torpe og Kristen Keegan. Utstillingsperiode:
Årets siste utstilling i Kabuso har fått tittelen Handboren og veggfast og har teikning som tema.
Verk av Imi Maufe, Per Dybvig, Susanna Kajermo, Xueting Yang, Tord Torpe og Kristen Keegan.
Utstillingsperiode: 7. oktober-30. desember. Merk at 28. oktober vert ikkje filmane til Per Dybvig og Tord Torpe vist grunna arrangement i konsertsalen.
Om utstillinga:
I Handboren og veggfast ynskjer Kabuso å sjå nærare på analoge medium som kunstnarbøker, animasjonsfilmar, teikneseriar og veggteikningar. Me søkjer å vise nokre få av moglegheitene som ligg i materialet, i teikninga og kunstnarboka sitt store mangfald. Samstundes vil me strekkje opp eit spenn mellom det vesle (handborne) og det store (veggfaste) formatet. Tanken bak er mellom anna å inspirere deg til å gle deg over dei nærast uendelege moglegheitene som ligg i bok og vegg – med papir, kritt, tusj, litt maling, saks og gardintrapp – og prøve det ut i verkstadar utforma av kunstnarane i prosjektet.
Deltakande kunstnarar:
Per Dybvig bur og arbeider i Berlin og Stavanger. Dybvig utforskar teikning gjennom ulike format, teknikkar og uttrykk. Sentralt i kunstnarskapen hans står store landskap i blekk og nyhende-teikning på papir. Dybvig publiserer eigne biletbøker og han arbeider som illustratør med nokre av landets leiande forfattarar. Praksisen har i seinare tid vakse til å omfatte skulptur og animasjon. I utstillinga viser me eit utval teikningar frå tre av hans stop-motion-animasjonsfilmar parallelt med at filmane vert vist på stort lerret i konsertsalen.
Susanna Kajermo bur og arbeider i Sverige. Ho har utdanninga si frå Gerlesborgsskolan i Stockholm og Kunsthøgskolen i Bergen. Kajermo skapar detaljerte teikningar og kollasjar i forskjellige format. Motiva er både realistiske og med drag frå det mytiske, med slektskap til surrealismen sine forskyvingar av røynda. Ho har også laga illustrasjonar, som i boka Hauk av Sivert Nesbø og Kajermo (2019), og boka På ei trapp i universet: dikt av Marit Kaldhol (2022). I utstillinga viser ho teikning og ein kortstokk som også kan spelast med.
Kristen Keegan er ein kanadisk kunstnar med mastergrad i kunst frå KMD, Bergen. Ho bur i Bergen og arbeider med maleri, installasjonar og publikasjonar. Keegan utforskar abstraksjonar av farge, til dømes gjennom å nytte flytande farge og voks på tekstil. Dei siste åra har ho hatt separatutstillingar ved Tekstilindustrimuseet (Salhus, 2022), LNM (Oslo, 2021), Konstepidemin (Gøteborg, 2021) og Hordaland kunstsenter (Bergen, 2019), og verka hennar blei vist på Årsutstillingen 22 på Drammen museum. Keegan er innkjøpt til samlingar i Canada, USA og Norge, inkludert Universitetet i Bergen (KMD bibliotek) og KODE museum. I utstillinga viser ho tekstile verk som leikar med dei optiske og taktile moglegheitene i bokformatet.
Imi Maufe arbeider med grafikk, bøker, tekst, installasjonar, interaksjonar og dokumenterer eigne reiser og kvardagsopplevingar. I 2013 var Maufe med på å etablere Codex Polaris for kunstnarar som arbeider med bøker i Norden. Maufe er representert i internasjonale og private samlingar, har ein mastergrad i multidisiplinær grafikk frå The University of the West of England, Bristol. Eit av verka hennar i utstillinga er bygd på ein serie observasjonar av ulike skilt og symbol funne under ei vekes opphald i Øystese.o teikning og ein kortstokk som også kan spelast med.
Tord Torpe har mastergrad frå Kunst- og designhøgskolen i Bergen. Han har deltatt på fleire utstillingar, sist i Jakta på Makta, Stortinget (2023), Avistegnernes årskavalkade på Stortinget (2022), og på Tegnerforbundet i Oslo (2019), der han viste utdrag frå teikneserieboka Kjøt (Magikon 2018). Boka fekk gull i kategorien teikneserier ved prisutdelinga Årets Vakreste Bøker 2019. Torpe har også vist animasjonar på festivalar i Noreg, Skottland og Kina. Han er aktiv som illustratør i norske aviser, som BT og Morgenbladet. I utstillinga kombinerer han teikning rett på vegg med innramma teikningar.
Xueting Yang er ein kinesisk teikneserieskapar og illustratør som no bur i Oslo. Ho debuterte med teikneserieboka Et annet sted i 2014, der ho skildrar det å flytte til Noreg. Yang hentar inspirasjon både frå klassisk kinesisk illustrasjon og frå ein vestleg tradisjon. Et annet sted fekk Kulturdepartementets teikneseriepris og sølv i Årets vakreste bøker. I utstillinga viser me utdrag frå teikneserien Kjøkken, hennar siste bok publisert i 2022. I Kjøkken vekslar sjangrane mellom sosialrealisme og burlesk magisk realisme, og boka vant gull i Årets vakreste bøker.
Oktober 7 (Laurdag) 00:00 - Desember 30 (Laurdag) 00:00
sun05nov(nov 5)16:30sun21jan(jan 21)15:00Hovudplagg og hårmotei folkedrakt og bunadbruk
Hovudplaggutstilling Den unike vandreutstillinga Hovudplagg og hårmote i folkedrakt og bundbruk kjem til Hardanger folkemuseum 5. november. Utstillinga syner tradisjonelle hovudplagg frå mange stader i Noreg, slik dei var nytta på
Den unike vandreutstillinga Hovudplagg og hårmote i folkedrakt og bundbruk kjem til Hardanger folkemuseum 5. november. Utstillinga syner tradisjonelle hovudplagg frå mange stader i Noreg, slik dei var nytta på 1700 og 1800-tallet og vert brukt til bunad i dag. Nærare 100 ulike hovudplagg er med. Hardanger folkemuseum er første og einaste visningsstad for denne utstillinga i Hordaland.
Pikahuva, linhatt, pålalue, hette, perlekrans, skaut og båthatt. Variasjonen og kreativiteten har vore stor, både i nemning og utsjånad. Over heile landet var hovudplagget ein svært viktig del av den tradisjonelle draktskikken. Kleda synte kven ein var, og kor ein kom frå, kva anledning ein var kledd for, og kva status ein hadde. Særleg viktig var skiljet mellom gift og ugift, og i det fleste område var det hovudplagget som synte dette. Dei staselegaste hovudplagga var det den gifte kvinna som hadde, sett bort frå dei utruleg vakre brurekrunene som brura bar på brudlaupsdagen. Somme stader var det og eigne hovudplagg for ugifte mødrer, og for peparmøyer, jenter som hadde vorte 30 år utan å gifta seg.
Det er Norsk folkedraktforum som står bak vandreutstillinga, som ein del av arbeidet med å få bunadbruk i Noreg inn på Unesco si liste over representativ immateriell kulturarv. Nff er ei landsomfattande organisasjon som arbeider med bunader forankra i tradisjonell draktskikk. Det er medlemmene i Nff som har laga dei vel 70 plagga som føl med utstillinga. I tillegg er utstillinga supplert med kring 30 hovudplagg frå Hardanger, Voss, Fana, Øygarden, Tysnes og andre stader i Hordaland. Utstillinga har og ein skautfellingsverkstad der ein kan sjå korleis ein lagar koneskaut til hardangerbunaden.
Utstillinga er ope måndag til fredag i perioden 5. november til 21. januar, frå kl 9 til 15. Det går fint å avtala besøk også utanom ordinær opningstid. Ta kontakt på post@hvm.museum.no for å avtala.
Me inviterer no lag, organisasjonar og andre grupper til å besøkja utstillinga. Her kan de få omvising, og gjerne eit besøk i kafeen etterpå. Besøket kan vera på dagtid eller på kveldstid. Ting besøk ved å senda ein e-post til post@hvm.museum.no eller ring 47479884. Me tek imot besøk fram til siste dag for utstillinga, som er 21. januar 2024.
Foto: Elisabeth Emmerhoff
Sjå meir om prosjektet her http://norskfolkedraktforum.no/prosjekter-1#/new-page-55
November 5 (Sundag) 16:30 - Januar 21 (Sundag) 15:00
lau02des12:00lau15:00Adventskafémed aktivitetar og bruktmarknad for born
Velkomen til koseleg adventskafé laurdag 2.12 kl. 12-15. Me pyntar til jul, set på julemusikk, og har mykje godt å by på i kaféen! I Grønestova i kafébygningen vert det julekortverkstad for
Velkomen til koseleg adventskafé laurdag 2.12 kl. 12-15.
Me pyntar til jul, set på julemusikk, og har mykje godt å by på i kaféen!
I Grønestova i kafébygningen vert det julekortverkstad for borna, og i verkstedsløo kan dei lage trebåt.
I Asbjørnsløo står 4H for ein bruktmarknad for born og unge – her finn du leiker og klær, ting og tang, samt ting born har laga!
(Laurdag) 12:00 - 15:00
tors07des11:00GratistorsdagGratis inngang i utstillingane
Høyrt om gratistorsdag i Kabuso? Kvar første torsdag i månaden kan du oppleva utstillingane på utan å tenkja på inngangsbillett. Aktuelle utstillingar for gratistorsdagen 7. desember: Handboren og veggfast Juleutstilling ved Kvam
Høyrt om gratistorsdag i Kabuso?
Kvar første torsdag i månaden kan du oppleva utstillingane på utan å tenkja på inngangsbillett.
Aktuelle utstillingar for gratistorsdagen 7. desember:
Handboren og veggfast
Juleutstilling ved Kvam kulturskule
Merk at hovudutstillinga også byr på film i konsertsalen
Huset er ope kl 11-15
Kafe og gåvebutikk
Arbeid frå fjorårets juleutstiling v/Kvam kulturskule
(Torsdag) 11:00
fre08des19:00fre21:30Kunstbar med Imi Maufe
Bli med på Kunstbar med Imi Maufe - fredag 8. desember kl 19! Kunstbar Verkstad er ei fagleg stund med kunstnarar frå haustens utstilling; Handboren og veggfast. Teikning og illustrasjon er tema
Bli med på Kunstbar med Imi Maufe – fredag 8. desember kl 19!
Kunstbar Verkstad er ei fagleg stund med kunstnarar frå haustens utstilling; Handboren og veggfast.
Teikning og illustrasjon er tema – og Maufe vil syna oss korleis ei bok vert til.
Open kafe / bar
(Fredag) 19:00 - 21:30
fre08des19:30JulegjestFrank Rolland, Sigbjørn Apeland og Marit Karlberg
Konsert Marit Karlberg, Frank Henrik Rolland og Sigbjørn Apeland har konserten Julegjest på Hardanger folkemuseum fredag 8. desember kl 19.30. Her får du høyra gamle og gløymde, men vakre og særprega
Marit Karlberg, Frank Henrik Rolland og Sigbjørn Apeland har konserten Julegjest på Hardanger folkemuseum fredag 8. desember kl 19.30. Her får du høyra gamle og gløymde, men vakre og særprega melodiar til advents- og julesalmane i songtradisjonen i Valdres. Og om du lyttar litt ekstra til fela, kan du høyre melodivariantar frå Hardanger og Nordmøre. Songane har dei funne i folkemusikkarkiv og gamle notenedskrifter, og latt dei få følgje av hardingfele, trøorgel, langeleik og lyre. Dei har også funne plass til eit par nyskrivne songar, og nokre verdslege julesongar som høyrer julegjestebodet til.
I Valdres finn vi ein eineståande sterk folkesongtradisjon som er dokumentert blant anna gjennom Ludvig Mathias Lindeman sine nedskrifter av Kingotonane til Andris Eivindson Vang. Vang kunne føre sin tradisjon fleire slektsledd attende, til Kalvedalspresten og 1600-talet då Kingo reformerte den dansk-norske kyrkjesongen. Kjeldene til songane på denne utgjevinga er Andris E. Vang sjølv og andre samtidige og etterfølgjande songarar frå dei tre øvste Valdreskommunane, Vang, Vestre og Øystre Slidre.
Utøvarane på konserten Julegjest er Marit Karlberg (song, langeleik og lyre), Frank Henrik Rolland (song og hardingfele) og Sigbjørn Apeland (song og trøorgel). Alle tre er velkjende, dyktige utøvarar på kvar sine felt. Dei har arbeidt med folkemusikk i ulike konstellasjonar i omlag 25 år, og vore med på mange ulike innspelingar tidlegare, fleire av dei nominerte og løna med spellemannprisar. Tekstane, formidlinga og innlevinga står i fokus i det musikalske samspelet. Gode, enkle arrangement søkjer å finne fram til kvar song sin eigenart og forsterke denne, tilføre fargar og nytt liv. Samstundes tek musikarane vare på den særeigne, gamle tonaliteten i folkemusikken vår.
Hjarteleg velkomne alle!
Konsertane på Hardanger folkemuseum vert arrangerte i samarbeid med Hardanger folkemusikksamling og med støtte frå Norsk kulturråd.
(Fredag) 19:30
fre15des17:00fre19:00JolafestTopp stemning!
Velkomen til Jolafest 2023 på Storeteigen bygdetun - fredag 15. desember kl 17-19! I god tradisjon blir det topp stemning på tunet: Gode folk, varme frå bålpannene og noko godt i
Velkomen til Jolafest 2023 på Storeteigen bygdetun – fredag 15. desember kl 17-19!
I god tradisjon blir det topp stemning på tunet: Gode folk, varme frå bålpannene og noko godt i koppen.
Bli med på utekino og aktivitetar – og kanskje kjem Torefjellsnissen òg?
Billettar: 50,- kr (vaksen) / 20,- (barn) / 100,- (familie)
Kontant eller Vipps # 630426
Praktisk info:
(Fredag) 17:00 - 19:00
lau16des13:00KakaokonsertUnge talent
Lat deg sjarmera av unge talent frå Kvam kulturskule på årets siste Kakaokonsert - laurdag 16. desember kl 13! Fire gongar i året byr kulturskulen inn til konsert i Kabuso -
Lat deg sjarmera av unge talent frå Kvam kulturskule på årets siste Kakaokonsert – laurdag 16. desember kl 13!
Fire gongar i året byr kulturskulen inn til konsert i Kabuso – for å la deg og dine oppleva kva dei held på med.
Då kan du lena deg tilbake og høyra alt frå den vakraste song til den råaste gitarsoloen.
Du vil garantert bli både imponert, rørt og sjarmert – kakaokonsertane byr alltid på gode overraskingar!
Før og etter konserten kan du gjerne nyta kafélivet på huset – sjølvsagt med m.a. varm kakao og tilbehør på menyen.
Billettar: 50,- (born/vaksen)
NB! KabusoVen gjeld ikkje på kakaokonsertar då desse er ferdig rabatterte
Arr: Kvam kulturskule og Kabuso
(Laurdag) 13:00
sun17des13:00Film: TitinaBornas Kabuso
Film: Titina. 1 t 31 min. 6 år Teiknestund etter filmen Om filmen: Titina startar livet som gatehund i Roma, men vert sidan verdsberømt. Ho erobra Nordpolen med Roald Amundsen og fekk
Film: Titina. 1 t 31 min. 6 år
Teiknestund etter filmen
Om filmen: Titina startar livet som gatehund i Roma, men vert sidan verdsberømt. Ho erobra Nordpolen med Roald Amundsen og fekk besøke keisaren i Japan.
Inga påmelding. Medlemsskap i klubben kostar 90 kroner per barn og gir gratis inngang til alle arrangementa hausten 2023.
Vaksne går gratis på filmane i følge med barn.
Bornas Kabuso er ein kunst- og filmklubb for alle born. Her viser me mellom anna animasjonsfilm og byr på kreative verkstadar. Verkstadane vert stort sett til i samarbeid med Kunstnarhuset Messen.
(Sundag) 13:00